Monday, June 22, 2015

මට හමුවූ උතුමෙක්

එම පුද්ගලයා හමුවීමට මා ගියේ එකළ ඔහු අප සමග දේශපාලන කටයුතු කළ නිසා ඒ සම්බන්ධ හිතවත්කමකටය. එහෙත් ඔහු මුණගැසුන විට ඔහු හාත්පසින්ම වෙනස් පුද්ගලයෙකුවී ඇති බව මට තේරුනා.ඔහු මගේ ඉල්ලීම ප්‍රතික්ශේප කළේ ඉතා කාරුණිකවයි.අප එදා සාකච්ඡාකලේ අධ්‍යාත්මික කරුණුයි.

ඔහු කොතරම් දියුණුවීද යත් චුතූපපාත ඥානයද ලබා තිබුනා. චුතූපපාත ඥානය යනු පෙර විසූ කද පිළිවෙල සිහිකිරීමයි. ඔහුට ඔහුගේ පෙරභවයන් සිහිකළ හැකිව තිබුනා.

නිශ්ඵල දේශපාලන හා වෙනත් වැඩවල යෙදෙන පුගුලන් ගැන මට ඇතිවුනේ දුකක්.

මෙවැනි බලගතු උතුමන් සිය බලය ගැන පත්තරවල දමන්නේ නෑ.ප්‍රසිද්ධ පුද්ගලයන් හා සෙල්ෆි ගන්නේ නෑ. ඔවුන්ව දකින අයට ඔවුන් මේ සා බලයන් ඇති අය බව සිතන්නටවත් බෑ.

අනාගතය ගැනත් ඔහු බොහෝ දේවල් ප්‍රකාශ කළා ඒවා 90 % කට වඩා සත්‍ය.

මෙවන් උතුමන් ආවට ගියාට අනාවැකි කියන්නෙ නෑ. තමන් හා සමයන් හා කරන දහම් සාකච්ඡාවලදී මිස  ප්‍රසිද්ධිය තකානම් එක අඩියක්වත් තබන්නෙ නෑ.

Saturday, June 20, 2015

අනාගතය දකිමු

මම බෞද්ධයෙක්මි .ඔබ සේම සිතුම් පැතුම් වලින් සමාන සාමාන්‍ය මිනිසෙක්මි. සිසුවෙකු මිස ගුරුවරයෙකු නොවන්නෙමි.සත්‍යම පවසමි.

 එහෙත් අධිමානසික පර්යේශනවලදී මට ඇතිවූ ගැටළුව නම් අධිමානසිකලාභීන්ගේ අනාවැකි අනුව සිදුවීම් යම් පෙළගැස්මකට අනුව සිදුවන්නේද යන්නයි.ඇතැම් ආගම්වල තිබෙන සේ. මෙය මට නිරාකරණය නොවූවකි.

නෝත්‍රදාම්ස් එඩ්ගාර් කේසි වැන්නන්ගේ අනාවැකි බලන්න .ඔවුහු වසරසියගනන් ඉදිරියට කියා ඇත.

මිතුරනි මා අධිමානසික විද්‍යාව ගැන කතා කරන්නේ පොත පතින් ලැබූ දැනුමින් නොවේ. ගුරුන් හමුවී ලද දැනුම මා අත්හදාබලා ලද ප්‍රත්‍යක්ෂයෙනි.

අනාවැකි පැවසීමට මා කැමැත්තෙමි. එහෙත් එහි නිරවද්‍යතාවය 90% ක් පමන වේ. 10 % ක් තරම්වන ප්‍රමානයක් වරදී.

රාජකාරි බහුල වීමෙන් අධ්‍යාත්මික ජීවිතයෙන් බැහැරවී දිනගනන් ගතවනවිට අනාවැකිකීමේ බලය අඩුවේ.නිරවද්‍යතාව අඩුවන බව මටම වැටහේ.

කලින් කී ලෙසම මා ශිෂ්‍යයෙක් නිසා අනාවැකි කීමද අධ්‍යනයේ කොටසකි. එයම පමණකි.

අදහස් දැක්වීමෙන් ඔබට මෙම පර්යේශනවලට සහාය විය හැක.ඔබට ප්‍රශ්න ඇසිය හැක.

පුරාන අධිමානසික ලාභීන් අනාගතය දුටු සැටි කවියට නගමි.

ප්‍රථම කාව්‍යය

සිය දහස් පනගැහුන
සුනිල පැන් පොකුණුදිය
ගිනිගනු නියතමය
සිතූ ලෙස නොම සෙමින්
මළ මිනී ගොඩ ගසනු ඇත
ඊට පෙරකළු බැටළුවා
ගාලට හැරී යනු නියත
සුදු බැටළුවන් පේලියක
අන්තිමය කළු බැටළුවෙකි
උතුරු දිග දේසයෙන් 
නැව් එන බව පෙනේ
සිතියම් පොතේ ඇදි කඩ ඉරිද අද හෙටම වෙනස් වේ.
මේ වසර තුලදීම
ලොව අමුතු අනතුරක
මෙවසර හෝ ඊලඟ වසරෙ මුල
මරු කතරෙ ඔටුරැලක
මහම ඔටුවා ඇද වැටී
ලොවට පුවත් මවනු ඇත
පිය මිතුරමේ අසන්
තව වසර දෙක තුනෙන්
සියළු බිජු බොල් වෙලා
ආ මෙතෙක් දුර ගමන 
නතර වනු පෙනී යයි
එතැන් සිට ප්‍රිහීම
දිගින් දිගටම යමින්
මිල මුදල් අහිමි වෙයි
කුසගින්න රජකරයි
තෙද බලය නැතිවෙලා
යළිත් කැලයටම 
තෙලේ බල බිද වැටී ගල් අගුරු යලි පෙරට
බලන් මා මිතුරනේ 
හෙට දවස සුබ නැතේ
සුදු කපුටො රැලක් 
කළු කපුටෙකුට කොටන හැටි
ලියා ඇත හෙට සැබෑ වේ
පා තබන් හෙටට අවදියෙන්
පොරන ඉසිවරුන් කී 
වදන් කවියට නගා
යළිත් ගෙන එනතුරු

විසදන්න මේ වදන්

Sunday, June 14, 2015

ප්‍රීති ප්‍රමෝදය

ඔබ කිසිම කණ්ඩායමකට අයත් නැහැ. කිසිම දේශපාලන පක්ෂයක සාමාජිකයෙක්ද නොවෙයි. කිසිම ජාතියකට ආගමකට කුලයකට ප්‍රදේශයකට අයත් නැහැ. කොටින්ම ඔබ මනුෂ්‍යයෙකුත් නොවෙයි.

එසේ කියන්නේ මේ සියල්ල ඉතාම තාවකාලිකව අප මත පැටවූ සම්මුතීන් පමණක්ම නිසයි.අපේ සිතිවිලි යනු බාහිර අරමුණු නිසා ඇතිවන ඡායාමාත්‍රයන්. ඒවා ඇතිවන්නේ බාහිර අරමුණු පාදක කොටගෙනයි.

එබැවින් ඒවා බැහැරකර තබන විට සැනසිල්ල ඇතිවේ.

අපට තරහක් ඇතිවෙනවා කියන්නේ ආශාවක් ඇතිවෙනවා කියන්නේ අප ඒ බාහිර අරමුණුවල සිරකරුවෙක් වෙනවා කියන එකයි. සිතිවිලි ඔබට බැහැරින් තබා නිරීක්ෂනය කරන්න.එය සතිපට්ඨානයකි.

මෙය දිගටම පුරුදු පුහුණු කිරීමෙන් ඔබ තව දුරටත් නිදහස් වේ.සත්‍ය අවබෝධ වේ.ප්‍රීති ප්‍රමෝදයට පත්වේ.අත්හදා බලන්න

Sunday, June 7, 2015

වචනයක් පිට කළ යුත්තෙත් පරිස්සමෙන් "හොඳට " නරකට හිටි හැටි

දෝංකාරය මගේ දිනපොතක් සේය. මගේ දෛනික අත්දැකීම් ඉඩ ලැබෙන වෙලාවට ධර්මය හා මුසුකර ඉදිරිපත් කරන්නම්.

වචන පාවිච්චි කළ යුත්තේ මොනතරම් ප්‍රවේසමින්ද කියා මට සිතේ.

 අපූරු වැඩක් දිනක් සිදුවිය. ඒ කේන්දරබලන කෙනෙක් මාව වරදවා වටහා ගැනීමයි. මට ලැබුන කේන්දර ඔහු ලවා බලවා ගෙන ඔහුට මුදල් දීම මා දෙතුන් වරක් කර තිබුනි. 

මා වරක් කේන්දරයක් දී අනේ මේක හොදට බලන්න කියා කිව්වෙමි.මම ඔහුට සමුදී ගෙදර ගියෙමි.

සමහර දිනවල බස් පාරේදී මොහු මට  හමුවෙයි .සදුදා මොහු මා ලගින්ම බිම බලාගෙන ගියේය. මම මෙය ගැන කල්පනා කළෙමි.



ටික දිනක් ගත විය. අරුමයකි.ඉන් පසු ඊලඟ සෙනසුරාදා ඔහු හමුවීමට ගියද ඔහු සිටියේ නැත. කෝල් එකක් ගත්තත් රිංස් යයි ආන්සර් කරන්නේ නැත. මෙය දිගින් දිගටම සිදුවිය.

 .ඉන් පසු කෝල් කලේද නැත. ඔහු හමුවීමට ගියේද නැත.


මොහුගේ මෙම වෙනස නිසා මමද ඉන් පසු ඔහුදෙස නොබලා සිටියෙමි.මොහු මා දැක්කත් අහක බලාගෙන යන්නට විය. මම කිසිම කෙනෙකුට සෙකන්ඩ් නොවෙමි.මා ද ඔහු ව ගනන් නොගෙන සිටියෙමි. 

මොහු යම් අවශ්‍යතා වලට අපේ නිවසට ද සමහර දින වල එයි.   ඒ මල්ලි මුණ ගැසීමටය.දිනක් ඔහු ආවේය. මා කාමරයේ සිටියත් ඔහු නුදුටු ලෙසින් සිටියෙමි.

ටික වෙලාවකින් කෝ අයියා කියා ඇසීය. ඉන් පසු මා එළියට ආවෙමි. ඉන් පසු සුහදව කතා කළෙමි.

කතාව යන අතරෙ ඔහු අපූරු කතාවක් කළේය


එක ගෑනියක් මට කේන්දරයක් දුන්න . දීල කිව්ව මේක හොදට බලන්න කියල. මට ඇල්ලුවෙ නෑ ඒ හොදට බලන්න කියන එක. මට තරහ ගියා. ගෙදරට ආපු කෙනා නිසා මොකුත් කිව්වෙ නෑ.හැබැයි මම කේන්දරය බැලුවෙත් නෑ.

මම ද හූමිටි තැබීමි. මට පසුව කල්පනා වුනේ මේ කතාව කිව්වෙ මා ගැන කියායි. ගෑනු කෙනෙක් පිට දමා මොහු කිව්වෙ මා සම්බන්ධ සිද්ධියයි.

ඔහු සමග හිතවත්කම අත්හැරදමන්නටත් වචන භාවිතයේදී බෙහෙවින්ම ප්‍රවේසම් වීමටත් ඉටා ගතිමි.

කිසිම කෙනෙකුට ද්වේශ නොකරන මෛත්‍රී භාවනාව වඩන මාව සමහරුන් වරදවා වටහා ගන්නේ මන්දැයි නොදනිමි.

මෙය මට මහත් පාඩමක් විය.


මේ වගෙ අය ආශ්‍රය කරන්න බැරිය.මෙහෙම සුළු දෙයටත් කෝප වන අය අතිශයින්ම ළාමකය.



 මම සියළු සත්වයන්ට කරුණාව දක්වන නාදුනන අයට පවා සාමාන්‍යයෙන් කෙනෙක් නොකරන උදව් කරන කෙනෙකි .ඒ වැඩවලින් අමතක නොවන පාඩම් ඉගෙන ගන ද ඇත. ඒවා අදාල වන පරිදි පසුව ලියමි.ලියන්නෙ හිත සැහැල්ලුවටය.කාටහරි ප්‍රයෝජනයක් වේය සිතාය.


Sunday, May 3, 2015

මේ පින්බර පොහෝදා ඔබ සැමගේ සිත් සතන් සිසිල් වේවා

වෙසක් පෝ දින ඔබේ හදවත සිසිල් වේවා

අද මේ පින්බර දවසේ සියළු බැදීම් වලින් නිදහස් වීමේ සතුට ගැන කතා කරමු.

අවාසනාවට භාවනාවට දිය යුතු මුල්තැන  වෙනත් ආමිස පූජාවන්ට දීම නිසා අපගේ මනස සිසිල් කරගැනීමට අපට ලැබී ඇති උතුම්ම අවස්ථාව මගහැරී ගොස් ඇත. දන් දීම හොද වැඩකි. එහෙත් දානයෙන් විවිධ අලංකාර ප්‍රදර්ශනවලින්  සිතට ලොකු සහනයක් නැත.

කොතරම් දන් දුන්නත් කොතරම් අලංකාර වෙසක් කූඩු හැදුවත් ඔබගේ සිතේ ඇතිවන ක්‍රෝධය මද පමනකින් වත් අඩුවුනාද

ඔබ අර පරන මිනිසාම නේද

කොතරම් දහම් පොත් කියෙව්වත් ඔබතුල කිසිම වෙනසක් වුනාද
 ඔබ ඒ පොත් කියවන්නේ කියවීමේ රසය විදීමටය.


ඔබගේ තරහ යන ගතියවත් අඩුවුනාද

එසේනම් ඔබතුල කිසිම වෙනසක් වී නැත.

ඔබ ජය ගත යුත්තේ ඔබගේ සිතය.

ආගමික පූජා ක්‍රම ඕනෑම නරක මිනිසෙකුට පුද පූජා කරන අතරේම සිය දුෂ්ට ජීවිතයද ගෙවිය හැකි ලෙස සකස් වී ඇත.


එහෙත් ඔබ භාවනාව පුරුදු පුහුණු කළොත් දවසකින් දෙකකින්ම ප්‍රතිපල ලැබේ

ඔබ ලොව පුරාම සිද්ධස්ථාන වැන්දත් වැඩක් නැත.

ඔබ වන්දනාමාන කළ යුත්තේ ඔබේ සිතයි.

ඔබේ සිත නිදහස් කරගන්න .  ධර්මය එයයි.


මම විවිධ පුද පූජාවල නි‍යැලුන කාලයක් විය. නමුත් මගේ අභ්‍යන්තරයේ ප්‍රීතියක් නොවීය.

භාවනාවට යොමුවුනේ ඉන් පසුවයි.

අවබෝධ මාර්ගය භාවනාවයි.

සියල්ල සිතෙන් විනිවිද දකින්න.

සංස්කාර ධර්මයන්ගේ ඇතිවීම හා නැතිවීම දකින්න.

ඉන්පසු ඒවා බැහැර කරන්න.

සැනසිල්ල අත්දකින්න.

නිදහස් වූ සිත පුදුමාකාරය. කූඩුවෙන් මුදාහළ පරෙවියෙකු සේය. අනුන් නොදකින ලොවක් ඔබ දකී. ඔබගේ පෙර භවයන්ද ඊට අයත්ය. ඔබගේ මෙම භවයේ ගැටළුවලට හේතු හා විසදුම්ද ඔබ ඉදිරියට එනු ඇත.


තෙරුවන් සරණයි

Tuesday, April 21, 2015

අධිමානසිකලාභීන් සිල්වත්තුද


නොරැවටෙන්න බුදුදහමේ  නිර්වාන මාර්ගය සහ අප මෙහිදී කතාකරන එක් ක්ශේත්‍රයක් වූ අධිමානසික බල අතර සම්බන්ධයක් නැත. ධර්ම මාර්ගයෙහිදී මෙම බල ලැබේ. එහෙත් මෙම ලිපියේ අප කතා කරන්නේ අනායාසයෙන් හා ඇතැම් අභ්‍යාස තුලින් යම් බලයක් ලැබූවන් ගැනය.

අධිමානසිකබලයක් ඇතිබවට මට සෑහීමට පත්විය හැකිවූ පළමු තැනැත්තා හමුවීමට මා ගිය ගමන ගැනද  කියන්නම්. 
මාගිගේ මාත් සමඟ යෝග කරන මගේ මිතුරාද සමගිනි. එක් දිනක් ඔහු සමග එක්තරා පුද්ගලයෙක් හමුවීමට ගොස් ප්‍රතිපලයක් නැතිවූ නිසා මෙම ගමනට සහභාගිවුනේ ලොකු උද්‍යෝගයකින් නොවේ.
එහෙත් භෞතික හා අධ්‍යාත්මික කරුණු සමබරකර සිතන්නට මට එය උපකාරී   විය.

මෙම පුද්ගලයා අප පිලිගෙන කතාබහ කරමින් සිටියදී සිරුරේ වැසූ මදුරුවෙකු තැලීය.

මෙය අධ්‍යාත්මික නායකයෙකුගෙන් අප බලාපොරොත්තුවන චර්යාවක් නොවේ. එසේම මැස්සන් හා මීයන් පවා මර්ධනයට නොපැකිළෙන බව කීවේ මගේ මිතුරායි. ඔහු මත්පැන්ද බොයි. ඔහු තුල ඔබ හා මා දකින ශීලයක් තිබුනේම නැත. මෙය අප සිල්වතකුගෙන් බලාපොරොත්තුවන හැසිරීමයි.

එහෙත් මොහුට බලයක් ඇත. මෙය ඔස්සේ සිත මෙහෙයවූ මට ශීලය හා අධිමානසික බල අතර සම්බන්ධය ගැන සැක ඇතිවිය.අධිමානසික බල සහ බුදුදහමේ අභිඥා අතර සම්බන්ධයක් නැත. එඩ්ගාර් කේසිලා වුල්ෆ් මෙසින් ලා අධිමානසිකලාබීන්ය. මේවා ගර්හිත විද්‍යාවන් ලෙස බුදුන් වහන්සේ විසින් ගර්හාවට ලක් කළ අතර ඍද්ධි ප්‍රාතිහාර්ය පෑම පින්ඩෝල භාරද්වාජ හිමියන්ට තහනම් කළහ.

ශීලය යනු සංස්කෘතික දෙයකි. අධිමානසික බල යනු ඊට වෙනස් දෙයකි. සමහර අන්ධ පුද්ගලයන් වෙනත් විශේෂ හැකියාවන්ගෙන් යුක්තය. බොහෝ අධිමානසික ලාභීන්ට මෙම බලය ලැබී ඇත්තේ උපතිනි. එසේනම් ධර්මයේ සම්බන්ධයක් නැත. කෙසේ වෙතත් උසස් බලයන් උත්සාහයෙන් ලැබූ යෝගීන් තුල ශීලය ස්වභාවයෙන්ම පිහිටයි.

මිනිසාට උරුමව තිබූ තෙවන ඇස නම් ඉන්ද්‍රියක් පරිනාමයේදී අවශිෂ්ටවූ බවටද මතයක් ඇත. එය සතුන්ට ඇති ඉව වැන්නකි.

එසේනම් මෙය මිනිස් මොළයේ ස්වාභාවික දෙයක් විය හැක.

මිනිසා භාශාව භාවිතයට ආ විට ටෙලිපති වැනි හැකියාවන් නැතිවී යන්නට ඇත.

සුනඛයන් මිනිස් ශ්‍රවන පරාසයට පිටින් ඇති ශබ්ද ඇසේ. වවුල්ලු දුර සොයාගන්නේ රේඩාර් ක්‍රමයකිනි. මුහුදු පත්ලේ අන්ධ සත්වයන්ට සන්නිවේදනයට වෙනත් ක්‍රම ඇත. කුඩාළමයින්ගේ මනසද පිරිසිදුය.

අධිමානසික තතවයන් අපෙන් ඈත් කරන්නේ අපේම චර්යාවන් බව පෙනේ. අප අපේ ප්‍රභාෂ්වර චිත්තය මතුවීමට ඉඩ නොදේ. ඒ ආශාවන්  නිසාය.

උපතින් හෝ ආකස්මිකව අධ්‍යාත්මික බලයන් නොළැබූ අය එම තත්වයට පත්වී ඇත්තේ ප්‍රභාෂ්වර චිත්තය මතුකර ගැනීමෙනි.

Sunday, April 19, 2015

කොවුර්ගෙ චැලේන්ජ් එක බාර ගනිමුද

අධිමානසිකලාභීහු සිටිති. එහෙත් තමන්ට බලයක් ඇතැයි අණබෙර ගසන්නේ නැත.

එසේනම් කොවුර්ගෙ ලක්ෂ දහය ගන්න චැලේන්ජ් එක බාර නොගන්නේ ඇයි ? ඔබ අසනු ඇත.

එයට නම් හිනාවීම ඇර වෙන දෙයක් නැත. මෙවැනි යම් බලයක් ඇති අය එවැනි දෙකයි පනහෙ වැඩනොකරති.

උසස් බලයක් ඇති අයෙක් හමුවීමට මා ඔහුගේ රාජකාරී ස්ථානයට ගිය විට අඩුගනනේ ඔහු තමන් යෝග කරන බවවත් එහි කිසිවෙකුට කියා නැත. එහෙත් ඔහුගේ විශ්මයජනක බලය ඔහුටත් අනුන්ටත් ප්‍රයෝජනවත් දේවල් වලට යොදයි. ඔහුට මෙම බලය ලැබුනේ ජර්මන් වෛද්‍යවරයෙකුගෙනි. ජර්මන්කාරයාට ඉන්දියානු යෝගියෙකුගෙන් ලැබුනි. අවුරුදු 32 ක් එකට වැඩකරන අය සමඟ මේ ගැන ඉගියක්වත් කර නැත.

ඔවුන් එම හැකියාවන් පෙන්වන්නේ ඊට සුදුසු අය සමඟ සුදුසු තැන්වලය. ප්‍රදර්ශන පවත්වන අයද නැතිවාම නොවේ.

Saturday, April 18, 2015

ඔබට සැහැල්ලුවක් දැනේවි.

ඔබ මෙලොවට අයත් නැති කෙනෙක් ලෙස ඔබට සිතන්නට හැකිනම් මෙලොව සිටින අය සමඟ ඇති ගැටීම්වලින් මිදෙන්නටපුළුවන. ඔබගේ හිස මත තබාගෙන බරක් කරගෙන සිටින සියළු දෙනා බිම තබන්න

සියළුම දේවල් බිම තබන්න .

ඔබට සැහැල්ලුවක් දැනේවි.

එවිට මෙලොව තිබෙන කිසිම භේදයකට ඔබ අයිති නැහැ. කිසිම කණ්ඩායමකට ඔබ අයිති නැහැ. ඔබ අයිති සැහැල්ලුව සතුට ප්‍රමෝදයට පමණයි.

සතුරාගෙන් මෙන්ම මිතුරාගෙන්ද ප්‍රවේසම් වෙන්න. කෙනෙක් ඔබට යම් සතුරුකමක් කළ විට ඔබට ද්වේශය ඇතිවෙයි. එහෙත් ඊට වඩා හානිකර යමෙක් ඔබට උදව්වක් කළහොත්ය. එවිට ඔබට ඇතිවන්නේ බැදීමකි. මේ දෙකම බැහැරකළ යුතුය. 

මෙය කළ හැක්කේ මෙසේයි. ඔබට සතුරුකමක් කළ තැනැත්තා ඔබට උදව්වක් කරන අයුරු චිත්ත රූපයක් මවා ගන්න.

ඔබට මිතුරුකමක් කළ තැනැත්තා සතුරුකමක් කරන සැටි චිත්ත රූපයක් මවා ගන්න

දැන් සමබර වේවි.

ධර්ම මාර්ගයේ යාමෙන් මාතුල ඇතිවූ විපර්යාසය


සිත තුල අරමුණුවලින් නිදහස්ව තබාගෙන ක්ලේෂයන් ප්‍රහීන කිරීමට පටන්ගත්විට ද්වේශය, කලබලකාරී ගතිය , බිය නැතිවී යයි.උපේක්ෂාව වර්ධනය වෙයි. ලෝභය දුරුවෙයි. මෙය අද්දුටුවකි. එසේම වචනයෙන් විස්තරකළ නොහැකි ප්‍රමෝදයක් දැනේ. සමහරු සෝවාන් වුනා කියා රැවටෙන්නේ මේ තත්වයටයි.

සිත තුල අරමුණුවලින් නිදහස්ව තබාගෙන ක්ලේෂයන් ප්‍රහීන කිරීමට පටන්ගත්විට ද්වේශය, කලබලකාරී ගතිය , බිය නැතිවී යයි.උපේක්ෂාව වර්ධනය වෙයි. ලෝභය දුරුවෙයි. මෙය අද්දුටුවකි. එසේම වචනයෙන් විස්තරකළ නොහැකි ප්‍රමෝදයක් දැනේ. සමහරු සෝවාන් වුනා කියා රැවටෙන්නේ මේ තත්වයටයි.


එසේම ධර්ම මාර්ගය ඉතා අසීරු බවත් අපට මෙම භවයේදී කිසිත් කළ නොහැකි බවත් කළ හැක්කේ මෛත්‍රී බුදුන්ගෙන් බණ අසා නිවන් යාමට ප්‍රාර්ථනා කිරීම බවත් ඇතමෙකුගේ මතයයි. ඒ නිසා කිසිවෙකු ධර්ම මාර්ගයේ යාමට කැමැත්තක් නැත.

එහෙත් ධර්ම මාර්ගයේ යන පුද්ගලයා ඉතා සන්සුන් ඉරියව් ඇති කෙනෙක් බවට පත්වෙයි. මා ප්‍රත්‍යක්ෂව අවබෝධකරගත් දෙයක් මිස වෙන කිසිවක් ඔබට නොකියමි.

තමන් වඩන භාවනාව තමන්ට සුදුසුදැයි දැනගන්නේ කෙසේද

ඔබට භාවනාව අපහසුවක් දැනේනම් එය ඔබට සුදුසු නැත. භාවනාව වඩන විට සිරුර සැහැල්ලුවන්නේනම් සිසිල් වන්නේනම් භාවනාව නිවැරදිය.

සිත දියුණු කිරීමෙන් මා ලබාගත් එක් දෙයක් වූවේ අනාගතය දැකීමත් වේලාව කීමේ හැකියාවත්ය. වේලාව බැලීමට අවශ්‍යවනවිට වේලාව මෙයයි කියා සිතට දැනේ. එය ක්ෂණිකව සිදුවේ. ෆෝන් එකෙන් බැලූ විට හරියටම හරිය.

භාවනාවේ ගැඹුරට ගියදිනවල සිහිනයෙන් පසුදා සිදුවන දේවල් සිහිනෙන් පෙනේ. නමුත් මේ සිහින 100% ක් නිවැරදිම නැත. නිරවද්‍යතාවය 80% ක් පමන වේ. නමුත් සත්ය වූ විට සිතට දැනෙන්නේ සතුටකි.

භාවනාව නතරකළ විට මෙම හැකියාවන්ද නැතිවී යයි.

Friday, April 17, 2015

ටෙලිපති පර්යේශන

යෝග හදාරන විට අපගේ කණ්ඩායමට අවබෝධවූ දෙයක් නම් අප සිතන්නෙ කිසියම් නිශ්චිත සිතිවිලි දාමයක් බවයි. එක්කෝ බිරිද දරුවන් ,කාර්යාලය, හෙට කළ යුතුව තිබෙන වැඩ ආදී වශයෙන්.

අප මේ සිතිවිලි පළවා හැරියා. ඉන් පසුයි ටෙලිපති වැනි පර්යේශන කළේ. අපේ අරමුණ වුනේ දැනුම ලබාගැනීමට විකල්ප මාවත් තිබේද යන්න සොයාබැලීමයි.

විචිත්‍රවත් වූ ඔබ මවිත කරවන සුළු තොරතුරු මෙසේ අවකාශයට මුදාහැරෙන්නේ ඔබ ගැන අනුක්මපාවෙන්මයි.

Thursday, April 16, 2015

යෝගියාගේ පරම හතුරා නිදිමතයි



යෝගීහු බඩගින්න ,පිපාසය හා ලිංගික ආශා නිසා ධර්ම මාර්ගයේ ප්‍රමාද වන බව  සාමාන්‍ය පිළිගැනීම වුවත් යෝගියාගේ සැබෑ සතුරා අන් කිසිවක් නොව නිදිමතයි

භාවනාවේදී නීවරණයන් යටපත් කරමින් සිහිය වඩන යෝගියා වෙහෙසට පත්කර නින්දට යවා සියල්ල අඩාල කරන නිසා දැඩි වීර්යයකින් නින්ද පාලනය කර සතිපට්ඨානය වැඩිය යුතුය.

Tuesday, April 14, 2015

සිතේ සහනය සහ සැනසිල්ල





1. ඔබට අත්විදින්නට අභ්‍යාස කිහිපයක් දෙන්නම්. මේ එක් අභ්‍යාසයක් විනාඩි දෙකක්වත් කළ යුතුයි. 

පෘථිවියේ සිටින්නේ ඔබ පමණක් යැයි සිතන්න.

පෘථිවිය මළ පාළු ග්‍රහලෝකයකි. එහි සතුන් ගස්වැල් ගොඩනැගිලි කිසිවක් නැත. ඔබ දුටු ග්‍රහ වස්තුවක ඡායාරූපයක් සිහිතබා ගැනීම පහසුය.

විනාඩි දෙකකින් ඔබට සහනයක් දැනේ




2 . ඔබ වනාන්තරයක තනිව සිටින්නේයැයි සිතන්න.

අසලින් දියපාරක් ගලා යයි. බැලූ බැලූ අත කොළවන් තුරුලතාය. 

අවශ්‍ය නම් ඈත එක යායාට හිමතලාවක් සිහිකරන්න.

විනාඩි දෙකකින් පමණ සැහැල්ලුවක් දැනේ.

Sunday, April 12, 2015

නිදහස් වෙන්න

                                 නිදහස් වෙන්න

කාගෙන්ද

                               සියල්ලෙන්

කොහොමද

                               මේ මොහොතේ ජීවත්වීමෙනි.

                   සිතන්න